Home மாநிலங்கள் புதுச்சேரி உள்துறை இணை அமைச்சர் கிஷன் ரெட்டியிடம் பாஜக புகார்....

உள்துறை இணை அமைச்சர் கிஷன் ரெட்டியிடம் பாஜக புகார்….

- Advertisement -

பாரதிய ஜனதா கட்சியின் மாநிலத்தலைவர் சாமிநாதன் எம்எல்ஏ விடுத்துள்ள செய்திக்குறிப்பில்,

ரகசிய காப்பு பிரமாணத்தை மீறி மத்திய அரசு மீது பொய் குற்றச்சாட்டையும் புரளியையும் கிளப்பி வரும் புதுச்சேரி முதல் அமைச்சர் நாராயணசாமி மீது நடவடிக்கை எடுக்கக்கோரி உள்துறை இணை அமைச்சர் கிஷன் ரெட்டியிடம் புதுச்சேரி பாஜக தலைவர் சாமிநாதன் எம்எல்ஏ., அவர்கள் தலைமையில், புதுச்சேரி மாநில முதலமைச்சர் நாராயணசாமி அவர்கள் கடந்த இரண்டு வாரங்களுக்கு முன்பு மத்தியில் ஆளும் பாரதிய ஜனதா அரசு புதுச்சேரி மாநிலத்தை தமிழகத்தோடு இணைக்க முயற்சி செய்வதாக பொய்யான பிரச்சாரத்தை மக்களிடத்திலே கூறி வருகிறார். மக்களிடத்திலே ஒரு குழப்பத்தை ஏற்படுத்துவதற்காக திட்டமிட்டு பொய்யான குற்றச்சாட்டுகளை பா.ஜ.க -வின் மீதும் மத்திய அரசு மீதும் கூறிவருகிறார் . இதுபோன்ற முதலமைச்சர் அவர்களின் செயல்களை அவர்களின் கூட்டணி கட்சியான தி.மு.க வும் ஆதரித்து வருகிறது. மாநிலங்களின் வளர்ச்சிக்கு பாரதிய ஜனதா கட்சி என்றைக்கும் முட்டுக்கட்டையாக இருந்தது இல்லை. மத்தியில் பாரதிய ஜனதா கட்சியின் ஆட்சி காலங்களில்தான் சதீஸ்கர், உத்ரகாண்ட், ஜார்கண்ட், தெலுங்கானா போன்ற மாநிலங்களும் லடாக் போன்ற யூனியன் பிரதேசங்களும் உருவாக்கப்பட்டு பிராந்திய வளர்ச்சிக்கு வித்திட்டது.

- Advertisement -

நமது புதுச்சேரி மாநிலம் தனித்தன்மையோடு செயல்பட வேண்டும் என்பதுதான் பாரதிய ஜனதா கட்சியின் நோக்கம். முதலமைச்சர் நாராயணசாமி அவர்கள் மத்திய அமைச்சராக இருந்தபோதுதான் நமது புதுச்சேரி மாநிலத்தின் தனித்தன்மை சிதைத்தவர் என்பதும், மத்திய நிதிக் குழுவில் புதுச்சேரியை மாநிலமாக இல்லாமலும் யூனியன் பிரதேசமாக இல்லாமலும் இரண்டும் கெட்டான் நிலைக்கு தள்ளி இன்றைய நிதி சுமைக்கு வித்திட்டவர் இவர்தான் என்பதும் மக்களுக்கு நன்றாக தெரியும். இவருடைய திறமையற்ற நிர்வாகத்தினால் இன்றைக்கு புதுச்சேரி மாநிலம் பல்வேறு பிரச்சனைகளில் சிக்கித் தவித்து வருகிறது. இதனை மறைப்பதற்காக மத்தியில் ஆளும் பாரதிய ஜனதா கட்சி மீதும் துணை நிலை ஆளுநர் மீதும் ஆதாரமற்ற குற்றச்சாட்டுக்களை கூறி வருவது இவருடைய வாடிக்கையாகிவிட்டது . அதுபோல தற்போது புதுச்சேரி மாநிலத்தை மத்திய அரசு தமிழகத்தோடு இணைப்பதற்கான முயற்சிகளில் ஈடுபட்டு வருவதாக மத்திய அரசின் திட்டத்தில் இல்லாத ஒன்றை இருப்பதாக பொய் பிரச்சாரத்தில் ஈடுபட்டு வரும் முதலமைச்சர் நாராயணசாமி அவர்கள் மீது உரிய நடவடிக்கை எடுக்க வேண்டும் என்று மத்திய உள்துறை இணை அமைச்சர் கிஷன் ரெட்டி அவர்களை டெல்லில் நேரில் சந்தித்து புகார் அளிக்கப்பட்டது.

இந்நிகழ்ச்சியின் போது, மாநில பொதுச்செயலாளர் ஏம்பலம் செல்வம், பா.ஜ.க பிரமுகர் சிவசங்கரன் ஆகியோர் உடன் இருந்தார்கள்.

இதுதொடர்பாக உரிய நடவடிக்கை எடுப்பதாக மத்திய உள்துறை இணை அமைச்சர் அவர்களும் கூறியுள்ளார்கள். மாநிலங்களின் வளர்ச்சியில் காங்கிரஸ் மற்றும் அதன் கூட்டணி கட்சியான தி.மு.கவிற்கு வேண்டுமானால் அக்கறை இல்லாமல் இருக்கலாம். ஆனால், மாநிலங்களின் வளர்ச்சி தான் ஒட்டுமொத்த மற்றும் ஒன்றுபட்ட இந்தியத் திருநாட்டின் வளர்ச்சி என்பது பாரதிய ஜனதா கட்சியின் நோக்கமும் செயல்பாடும் ஆகும் . புதுச்சேரி மாநில மக்களின் எண்ணங்களுக்கு மாறாக என்றைக்கும் பாரதிய ஜனதா கட்சி செயல்பட்டதில்லை என்பதையும் தெரிவித்துக் கொள்கிறேன் என்று கூறியுள்ளார்

- Advertisement -

LEAVE A REPLY

Please enter your comment!
Please enter your name here

- Advertisment -
Advertisement

Most Popular

பார்வையற்றவர்களுக்கு உணவு – பெனேவோலண்ட் அமைப்பு வழங்கியது.

புதுவையில் போகி தினத்தை முன்னிட்டு பார்வையற்ற மனிதர்களுக்கு பெனேவோலண்ட் அமைப்பு சார்பில் மதிய உணவு வழங்கப்பட்டதது. புதுச்சேரியில் பெரிய மருத்துவமனை அருகில் 100 பார்வையற்ற மனிதர்களுக்கு பெனேவோலண்ட் அமைப்பு மதிய...

இலாஸ்பேட்டையில் பொங்கல் பரிசு -முன்னாள் முதல்வர் ரங்கசாமி வழங்கினார்

இலாஸ்பேட்டை தொகுதியில் அகில இந்திய என்.ஆர்.காங்கிரஸ் கட்சி சார்பில் பொங்கல் பரிசு தொகுப்பு வழங்கும் நிகழ்ச்சி நடைபெற்றது. இலாஸ்பேட்டை தொகுதிக்குட் பட்ட பெத்துச் செட்டிப் பேட்டை ஸ்ரீசித்தி விநாயகர் ஸ்ரீ...

முப்பெரும் விழா – பிஎம்எல் சார்பில் காலாப்பட்டு தொகுதியில்

புதுவை காலாப்பட்டு தொகுதி கருவடிக்குப்பம் அருள்மிகு கருமுத்துமாரியம்மன் கோவிலில் வளாகத்தில் முன்னாள் அமைச்சரும், முன்னாள் காலாப்பட்டு சட்டமன்ற உறுப்பினருமான கல்யாணசுந்தரம் அவர்களின் பி.எம்‌.எல் கல்யாணசுந்தரம் அறக்கட்டளை சார்பில் தொகுதி மக்களுக்கு...

மாத்தூர் மக்களுக்கு மதிய உணவு – பெனேவோலண்ட் அமைப்பின் சார்பில் வழங்கப்பட்டது..

தற்போது பெய்து வரும் கடும் மழையையொட்டி புதுச்சேரி அடுத்து விழுப்புரம் மாவட்டத்திலுள்ள மாத்தூரில் கிராம மக்கள் கடுமையாக பாதிக்கப்பட்டதை அறிந்த பெனேவோலண்ட் அமைப்பின் தலைவர் முனைவர் விஜயகுமார் மழையால் பாதிக்கப்பட்ட...
Join Whatsapp Group
Join Whatsapp Group Click HERE.....